gleðileg jól og nýtt ár :)

Ekki eins og margir komi hingað. En mig langaði samt að tilkynna það formlega að ég er hætt að blogga í bili. Ég bara neeenni ekki að standa í þessu;) haha. Ætla frekar að spara "bloggnennið" þangað til næsta haust því þá fer ég til Þýskalands oog fólk verður að fá að fylgjast með manni þar :) hihi.
Annars bara, takk fyrir mig í bili.

Svanhildur

próf

Ég verð nú að vera alveg hreinskilin og segja að ég er ekki nógu sátt með það hve fáir setja athugasemdir við bloggin mín, a.m.k seinasta blogg. Ég hlýt að eiga fleiri en 2 lesendur ;) hehe
En ég ætla ekki að vera bitur, ég er svosum ekkert að gera þetta til að safna athugasemdum :)
Ég ætlaði aðeins að láta heyra í mér svona því ég er byrjuð í prófunum og vonandi fer allt á fullt í nokkra daga. Ég var í fyrsta prófinu í morgun, Passenger Handling and Communication, og það gekk bara ágætlega held ég. Á morgun er svo ekkert próf og næsta próf á miðvikudaginn sem er Fire&Smoke. Gaman að því!
Mamma kom til mín á fimmtudaginn og var þangað til á laugardag og það var alveg roosa gott að hafa hana í smá tíma, takk fyrir komuna mamma mín. Því miður gat hún bara komið ein í þetta skiptið en það er nú ekki svo langt þangað til ég fer norður og get knúsað allt hitt liðið!
Talandi um hitt liðið, í gærkvöldi fékk ég eitt beta sms sem hægt er að hugsa sér. Ég var semsagt stödd inni í litla herberginu mínu í gærkvöldi og sat við lærdóm (eða eitthvað annað, ég man það ekki alveg) þegar síminn titraði og bíbbaði á borðinu hjá mér. Ég varð auðvitað ótrúlega spennt og sá að þetta voru "hljóðskilaboð" og ekki fær maður þau á hverjum degi svo að ég varð ennþá spenntari!
Þetta var semsagt upptaka frá mömmu þar sem pabbi er að tala við Guðmar Gísla og segjast vera að fara og segir Bæ og þá segir Guðmar Gísli Bæ á móti :D og þetta var eitt það krúttlegasta sem ég hef heyrt!!!! Hann var ekkert að spara þetta og sagði bæ bæ bæ bæ alveg á fullu.
Svo hringdi mamma líka í dag og lét mig tala við Guðmar Gísla og hann sagði hæ og bæ! Krúttið mitt:*
Jæja, ég nenni eiginlega ekki að hafa þetta lengra. 
Reyndar langar mig að segja eitt.
Hvað finnst ykkur um að leigubílstjórar reyki í bílunum sínum ?? Mér finnst það ógeðslegt reyndar. Ég sá í dag leigubílstjóra keyra eitthvað og hún var með gluggann smáávegis opinn og reykti útum þetta litla op! Mér fannst það ógeðslegt. Því ef fólk reykir í bílunum hjá sér, hvort sem það er opinn gluggi eða ekki, þá verða bílarnir ógeðslegir og lykta mjööög illa.
Jæja, bitra Svanhildur er farin að gera ritgerð!

:)

air

ég veit ekkert leiðinlegra en að vera búin í skólanum fyrir hálf 3 og það er einfaldlega vegna þess að þá þarf ég að bíða illa lengi eftir rútunni. ég skil ekki afhverju það fer ekki ein rúta kl. hálf 2 eða eitthvað. það væri mjög þægilegt, því yfirleitt erum við búnar í skólanum fyrir 2 eða um 2. já, snemmt ég veit.. en svona er þetta.
en ég veit ekki afhverju, mig langaði bara allt í einu að blogga. ég veit að ég bloggaði í gær, en ég fékk svona smá bloggþörf núna. og ég held að það sé líka bara allt í lagi. á meðan ég hef e-ð til að blogga um þá blogga ég bara, sama hvað hver segir ;)
ég sit hérna í kirkjunni uppi á vallarsvæði og er með tölvuna fyrir framan mig, hlusta á itunes í tölvunni (nánartiltekið Air) og hef það illa gott. fyrir utan það að ég þarf að bíða í rúman hálftíma í viðbót eftir rútunni..er ekki að fíla það en er samt ekkert pirruð á því. það er stundum gott að bíða. hefur maður ekki bara gott af því ?
jæja, svo er að koma að prófum eins og ég sagði í gær og ég þarf að fara að byrja á ritgerð sem við eigum að skila í byrjun desember. við erum að tala um það að hún á að vera 3-5 blaðsíður!! er þetta eitthvað grín? nei einmitt. og nei, ég er ekki í 3.bekk í grunnskóla. en það mætti nú reyndar halda það. held að litli bróðir minn sem er í 6.bekk í grunnskóla sé með helmingi meiri heimavinnu heldur en stóra systir hans sem er 19 ára og er í flugfreyjuskóla á suðurlandi!! hann lærir allavega heima á hverjum degi. fjúff, ég fæ samviskubit.
jæja, þriðjudagur segiði..
á morgun eigum við að mæta í skólann kl.9.20 og við fengum þau skilaboð frá Laulau um að mæta í skólann "eins og við værum að fara í fyrsta flugið okkar" .. jaaááá einmitt! á ég bara að fara út í Icelandair og fá lánað hjá þeim uniform ?? Já neinei!
hehe, neii hún var nú reyndar bara að meina að við ættum að koma málaðar og með hárið uppsett held ég. eitthvað svoleiðis.. maður ætti nú að geta bjargað sér í því, held ég. þó ég sé nú ekki að fara að mála mig eins og okkur var kennt í Snyrtiakademíunni. ekki sjéns.. ég þarf nokkrar vikur til að æfa mig sérstaklega í því og ég er fátækur námsmaður eins og er og hef ekki efni á að kaupa mér 5 tegundir af meiki og augnskuggum og 3 af maskara til að fá mismunandi "tón" eða "skugga" yfir andlitið eftir því hvort það er dagur eða kvöld ! yeaah right..
allavega, hljómar eins og ég sé pínu bitur! en ég er það ekki :D
er alveg illa ánægð og glöð þessa dagana og þar kemur m.a inn í að mamma er að koma norður á fimmtudaginn og ætlar að gista hjá mér :) verst að það er ekki frí á föstudaginn (aldrei þessu vant) því þá getum við ekki gert neitt mikið.. eeen við reynum að nýta tímann :) kjélla ætlar að hoppa til læknis og svona og svo getum við vonandi dúllast eitthvað. hlakka til að fá þig mútta :*
svo líður ekki á löngu þar til ég fer bara norður, svo þetta er nú allt að bresta .. (segir maður það ekki? haha)
een ég ætla ekki að hafa þetta lengra í bili. er búin að sitja hérna í svona 10-15 mín og í sömu stellingunni allan tímann en sú stelling er þannig að ég er ILLA bein í baki (samt örugglega ekki) og sit á harðasta stól sem til er og pikka á lyklaborðið á tölvunni. þannig að ég er að drepast í bakinu eftir þessar 10 mínútur sem ég hef setið.
jæja Svanhildur, þetta er orðið gott hjá þér..
kem fljótt með nýtt blogg.

Svanhildur, með bros á vör :) 

no title

Jæja..
kominn tími á að ég tjái mig smávegis ? Hvar á ég að byrja? Allt ljómandi gott að frétta af mér, hef það ótrúlega gott (og enn betra) hér í Mosó hjá Emblu og co og bara gæti ekki liðið betur. "Skólinn" gengur vel og prófin náglast. Þau byrja reyndar í næstu viku og hvernig væri ef maður færi að huga að prófalestri? Held að það væri góð hugmynd. Þó maður hafi nú þurft að vera ansi kærulaus og latur í allt haust, þá held ég að það væri mjög skynsamt að lesa smá fyrir þessi próf. Maður veit ekkert við hverju maður á að búast.
En það eru semsagt nokkur próf í næstu viku og svo kemur viku"frí", verða einhverjir kennsludagar, og svo önnur vika með prófum. Síðan erum við að tala um að 11.desember er seinasta prófið mitt og 13.desember á ég flug norður á aaakureyri elskuna mína. Þá er planið að vera hjá Andreu um nóttina og hoppa svo út í eyju á sunnudeginum. Og vá hvað ég get ekki beðið eftir að komast í faðm fjölskyldunnar. Það verður alveg ótrúlega notalegt. Veit ekkert betra en að vera heima um jólin hjá mömmu,pabba og bræðrum og borða góðan mat og hafa það gott saman. Úff hvað ég er væmin.
Mig langar ekki að blogga um efnahagsmál, þið getið bara lesið um þau einhversstaðar annars staðar, það er nokkuð ljóst.
Ég er rosalega hugmyndasnauð um bloggefni í augnablikinu (er kannski of upptekin að einbeita mér að lærdómnum(í bubbles)) þannig ég ætla bara að segja þetta gott í bili. Kem með eitthvað betra næst :)
Vill einhver segja mér hvort það séu til jólamandarínur einhversstaðar á höfuðborgarsvæðinu? Ég er búin að leita um allt..fann einhverjar nokkrar í Nóatúni en þær voru ekkert spes..
ég kveð í bili

Svanhildur 

16.nóv

ég þarf smá undirbúning til að byrja að blogga aftur.

hvernig væri að fá smá hvatningu ?
Held að það sé e-ð sem ég þarfnast ;)

Svanhildur K. 

1.nóvember

Ég er ekki að grínast, ég er komin í smá jólaskap. Eða kannski ekki jólaskap, meira svona farin að finna fyrir því hvað ég hlakka til jólanna. Og það er rosa góð tilfinning. Það er búið að setja jólaskraut og alls konar tré með ljósum fyrir utan helstu staði borgarinnar, smáralind, ikea og þetta. Ég held að það sé dáldið síðan það var gert og núna er "bara" 1.nóvember. Ég held að ég láti nægja að byrja að skreyta í desember, mögulega í lok nóvember.
Guð minn góður hvað Vörutorg er asnalegt, ég er með kveikt á því og það er beint fyrir framan mig ef ég lít upp af tölvuskjánum! Guuuð, þau eru að gera magaæfingar.. hvaað er vandamálið ?
Í augnablikinu er ég upp á Vallarheiði í rokinu að vinna í því að pakka niður. Ég er svo agalega léleg í að pakka niður og mér hreinlega leiðist það! En þetta verður maður víst að gera. Það kom mér á óvart hvað ég er með mikið dót, það er samt meiri hlutinn bara eitthvað smádót. Er ekki með neina stóra hluti. Vá, hvað verður gott að flytja í Mosfellsbæinn :) Það er svo gott að vera þar, hjá góða fólkinu.
Ég hef eiginlega ekkert um að blogga, langaði bara að láta vita af mér (halda áfram að þjálfa mig í að blogga) og drepa tímann meðan ég nenni ekki að pakka niður. Hah...
Vá, klukkan er að verða eitt! Þvotturinn sennilega tilbúinn til að fara í þurrkarann og allt að gerast.
Blogga betur næst.
Góða helgi 

blogg segiði

Ég var að spá í að hætta með bloggið mitt og fara að blogga undir leyninafni. Þá getur maður sagt ALLT sem manni liggur á hjarta og fengið allskonar athugasemdir frá allskonar fólki. Ég er nefnilega að lesa bók sem heitir Petite Anglaise. Það er sönn saga konu sem flutti ung til Parísar og byrjaði lífið, og allskonar. Einn daginn ákveður hún svo að byrja að blogga og bloggar undir nafninu Petite Anglaise. Þetta er alveg frábær bók og ég hvet allar ungar dömur eins og mig til að lesa hana. Og kannski bara lesa bloggið hennar: http://www.petiteanglaise.com  

Jáá gaman að þessu. Ég sem sagt átti inneignarnótu í Pennan Eymundsson eftir að ég skilaði fullt fullt af skólabókum seinasta vor og ég keypti mér þessa frábæru bók fyrir peninginn sem frúin í Pennanum gaf mér :) vei.

Það er reyndar allt gott að frétta af mér, ég er bara búin að vera hérna á krummaskuðinu mínu að rotna. Hehe, gaman að því. Ég fór reyndar í Mosó um seinustu helgi og hafði það rosa rosa gott. Hitti nokkra ættingja og það var bara gaman, ekki svo oft sem það gerist.

Svo fékk ég frábæra hugmynd á þriðjudaginn. Ég ákvað að flytja til Mosó!  Og ég hringdi í frænkur mínar og spurði hvort ég mætti búa hjá þeim og Gúa sagði það krúttlegasta í öllum heiminum: "Ég vil bara hafa þig sko!" Var ekkert smá ánægð að heyra það :)
En þetta endaði bara þannig að ég er að flytja frá Suðurbraut á laugardaginn. Ég verð til húsa í hamratanga það sem eftir er ársins og næstu annar og ætla að hafa það ótrúlega gott :)

Svosum ekki mikið meira í fréttum, nema ég var í prófi í morgun og það gekk bara vel. Er síðan er bara planið að fara að pakka niður á fullu í dag og á morgun og síðan tekur alvaran við.
Svo er reyndar Andrea mín að koma um helgina og ég ÆTLA að hitta hana eitthvað, þó það verði ekki nema smá :* Og eftir 2 vikur kemur Doddi!! veii, gaman gaman.

En ég ætla ekki að hafa þetta lengra í bili, ég er komin úr æfingu að blogga..þarf að fara að æfa mig.

Svanhildur Kristínardóttir 

stjörnuspá

Ég les stjörnuspánna mína á mbl.is á hverjum degi og stundum er hún út í hött, en það kemur fyrir að hún er mjög sniðug!
Eins og núna í morgun, þá var stjörnuspáin mjög sæt. Hún passaði ekkert endilega við mig persónulega (en samt smá) heldur bara var eitthvað svo rétt:

Vog: Það er tilgangslaust að argast út í það sem er. Það veitir frelsi að sætta sig við hlutina. Til að öðlast hamingjuna, þarftu að elska raunveruleikann. 

En annars er bara allt gott að frétta, ég er orðin voða slöpp í að blogga og er varla að nenna því. Og ég nenni ekki að byrja að blogga aftur fyrr en ég er komin í gírinn, svo að bloggin verði ekki öll hundleiðinleg.
Búin að vera í nokkrum prófum undanfarið og fengið mjög gott út úr þeim öllum. Um helgina skrapp ég í Mosó. Fór svo í bíó á laugardaginn með Erlu og það var bara æði að hitta hana eftir laaaangan tíma!
Það er kominn snjór hérna hjá okkur í Keflavík og ekkert nema slæmt um það að segja. Langar ekkert að fá snjó. Sérstaklega þegar ég er einmitt með bíl í láni, þá get ég ekki nýtt mér það að vera með bíl=/
Það er reyndar eitt gott við það að það sé kominn snjór. Það þýðir að það eru að koma jól. Vá, hvað ég hlakka til jólanna, að komast heim í eyjuna fögru og hafaþað ótrúlega gott.

Jæja, nóg um jólin.. ég nenni þessu ekki lengur.
Tíminn er líka að byrja.

Svanhildur K. 

tja

Mig langar ekki að blogga alveg strax.

Ég ætla að taka smá pásu í þessu..

nokkra daga kannski? Ekkert of langt

Góða helgi!

Svanhildur Kristínardóttir 

þakklát

Ég hugsa oft hvað er mikilvægt að vera þakklátur.
Það er svo margt sem maður hefur, ég gleymi oft að hugsa til þess hvað ég hef það gott. Auðvitað koma tímar þar sem maður er pirraður og fúll út í einhvern/eitthvað en samt sem áður er alltaf einhver sem stendur við bakið á manni. Og einhvern veginn gleymir maður að hugsa út í það því maður er svo upptekinn af því að hugsa um hvað maður er pirraður út í hitt eða þetta. Maður hugsar oft bara um sjálfan sig á svona stundum.
En maður á ekki að gera það.
Maður á að vera þakklátur fyrir það sem maður hefur og njóta lífsins í samræmi við það. Lífið er ekki alltaf dans á rósum en samt höfum við það svo gott. Það er bara svoleiðis.
Ok, ég ætla ekki að vera svona væmin lengur.
Helgin var æðisleg og það var svo gott að fá mömmu,pabba,reyni,guðmar gísla ooog síðast en ekki síst dodda í heimsókn. Ég eyddi helginni í faðmi þeirra og það var bara yndislegt. Afmælisdagurinn var frábær og ég hef eiginlega ekkert nema gott að segja um hann:)
Ég vil enda þetta stutta blogg á því að þakka öllum fyrir helgina og þakka öllum fyrir frábærar kveðjur á afmælinu:)
Þið eruð mér allt 

Svanhildur Kristínardóttir ástfangna..